Tunis sahillərində miqrantları daşıyan qayığın batması nəticəsində ölənlərin sayı 58-ə çatıb.
APA-nın TASS agentliyinə istinadən verdiyi məlumata görə, bu barədə Tunis Daxili işlər nazirliyi məlumat yayıb.
Ölənlərin 31-i Tunis, 22-si digər ölkələrin vətəndaşlarıdır, 5 nəfərin şəxsiyyətini hələ ki, müəyyənləşdirmək mümkün olmayıb.
Nazirliyin məlumatına əsasən, 68 nəfər Milli Qvardiya və Hərbi-Dəniz Qüvvələrinin bölmələri tərəfindən xilas edilib.
Qeyd edək ki, miqrantları daşıyan qayıq iyunun 2-də Aralıq dənizində batıb.