“Əlbəttə ki, ekspertlərə qulaq asmaq lazımdır. Lakin ekspertlərin nə deməsindən asılı olmayaraq, biz Rusiyanın xarici siyasəti ilə məşğul olan bir qurum kimi rəsmi mövqeləri əsas götürürük. Bu gün Ermənistanın Rusiya ilə münasibətlərdəki rəsmi mövqeyini XİN başçısı da səsləndirdi”.
APA-nın Moskva müxbirinin məlumatına görə, bunu Rusiyanın xarici işlər naziri Sergey Lavrov ermənistanlı həmkarı Zöhrab Mnatsakanyanla apardığı danışıqların yekunlarına dair mətbuat konfransında bildirib.
Erməni jurnalistin "Rusiyanın dövlət telekanallarında çıxış edən siyasi ekspertlər Ermənistanı anti-Rusiya siyasəti aparmaqda günahlandırırlar. Onların fikrincə, Ermənistanda baş verən proseslərin arxasında Qərb dayanıb. Rəsmi Moskva ekspertlərin bu mövqeyini bölüşürmü?" sualına cavab verən Sergey Lavrov ölkəsinin Nikol Paşinyanın baş nazir vəzifəsinin icrasına başladığı andan ortaya qoyduğu rəsmi mövqeni əsas götürdüyünü söyləyib: "Bu gün həmin mövqeni Ermənistan xarici işlər naziri də səsləndirdi”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
