Bakı. Könül Kamilqızı - APA. Tələbə Qəbulu üzrə Dövlət Komissiyası (TQDK) tərəfindən keçirilməsi nəzərdə tutulan zona müşavirələrinin vaxtı dəyişdirilib.
TQDK-nın mətbuat xidmətindən bununla bağlı yayılan açıqlamada bildirilib ki, komissiya martın 15-də rezidenturaya qəbul imtahanı və peşə liseylərinin məzunları üçün buraxılış imtahanları keçirəcək. Bununla əlaqədar olaraq komissiya tərəfindən zona müşavirələrinin başqa vaxtda keçirilməsi qərara alınıb.
Qeyd edək ki, TQDK tərəfindən respublikanın 9 rayonunda 2014/2015-ci tədris il üçün ali təhsil müəssisələrinə qəbul imtahanlarının elmi-statistik təhlilinə həsr olunmuş zona müşavirələrinin keçirilməsi nəzərdə tutulurdu. Zona müşavirələrinin Lənkəranda, Şəkidə və Xaçmazda martın 11-də, Bakıda, Gəncədə, Ağcabədidə, Göyçayda və Şirvanda martın 12-də, Naxçıvanda isə martın 13-də təşkil olunacağı açıqlanmışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
