TQDK-nın mətbuat xidmətinin rəhbəri Elnur Nağızadənin APA-ya verdiyi məlumata görə, monitorinq nəticəsində 1-ci sinif üzrə 2 fəndən (“Azərbaycan dili”, “Riyaziyyat”), 3-cü sinif üzrə isə 3 fəndən (“Azərbaycan dili”, “Riyaziyyat” və “Həyat bilgisi”) dərsliklərinin istifadəsi məqsədəuyğun hesab edilməyib. Qalan fənlər üzrə müəyyən çatışmazlıqlar olsa da, onların üzərində təkmilləşdirmə işlərinin aparılması məqsədəuyğun hesab edilib: “Bu dərsliklər istifadəyə uyğundur. Sadəcə, gələcək nəşrlərdə təkmilləşdirmə aparılmalıdır”.
E. Nağızadə hazırda TQDK tərəfindən 4-cü sinif dərsliklərinin monitorinqinin aparıldığını, 2-ci sinif dərsliklərinin monitorinqinə isə yaxın günlərdə başlanacağını bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
