Moskva. Fərid Əkbərov - APA. “Rusiya Ukrayna böhranı ilə əlaqədar ABŞ tərəfindən tətbiq olunan sanksiyalarla uzun müddət məşğul olmaq məcburiyyətində qalacaq”.
APA-nın Moskva müxbirinin verdiyi məlumata görə, bunu Dövlət Dumasında Rusiya-ABŞ münasibətlərinə həsr olunan müzakirələrdə Rusiya xarici işlər nazirinin müavini Sergey Ryabkov deyib.
Onun sözlərinə görə, Rusiyanın sanksiyaların öhdəsindən gəlməsi uzun sürən bir proses olacaq: "Bu proses illər çəkəcək".
Cekson-Venik düzəlişinin ləğvi üçün 40 il mübarizə apardıqlarını xatırladan Rusiya XİN başçısının müavini bildirib ki, bu düzəliş indiki sanksiyaların kiçik bir hissəsi kimi görünür.
ABŞ-ın Ukrayna böhranı ilə əlaqədar tətbiq etdiyi sanksiyaların hədəfinin doğru ifadə olunmasının vacibliyini vurğulayan S. Ryabkov qeyd edib ki, sanksiyaların əsas hədəfi Rusiyadakı rejimin dəyişməsi olub: "ABŞ Rusiyada hakimiyyəti dəyişmək niyyətində olduğunu gizlətmir. Rusiya ölçüb-biçilmiş addımlar atmalıdır. Biz ABŞ-la əlaqələri kəsən ilk tərəf olmamalıyıq. Əks tədbirlərimiz balanslı və planlı şəkildə olmalıdır".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
