Bakı. APA-Economics. “Bank VTB (Azərbaycan)” nizamnamə kapitalını artırmağı planlaşdırır.
Bu barədə “APA-Economics”ə bankdan məlumat verilib.
Məlumatda qeyd olunur ki, “VTB Qrup”un 2014-2016-cı illər strategiyasına uyğun olaraq biznesin genişləndirilməsi və kredit portfeli üzrə planlaşdırılan göstəricilərinə nail olmaq üçün “Bank VTB (Azərbaycan)” 25 mln. manat həcmində rekapitalizasiya həyata keçirməyi planlaşdırır.
Bununla yanaşı, bank 2016-cı ilin sonuna qədər Bakı və digər böyük şəhərlərdə filialların sayını 20-yə çatdırmaqla filial şəbəkəsini genişləndirməyi planlaşdırır.
Qeyd edək ki, hazırda baş ofis və 8 filial daxil olmaqla “Bank VTB (Azerbaijan)”ın 9 satış məntəqəsi var.