Bakı-APA. Bu gün Bakının Binəqədi rayonunda evdən meyit tapılıb.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, nazirliyin qaynar xəttinə 1945-ci il təvəllüdlü, Oşitova Lidiya İvanovna mənzildə bağlı qapı arxasında qalması barədə məlumat daxil olub.
Hadisə yerinə cəlb olunmuş xilasedicilər binanın 8-ci mərtəbəsindəki mənzilin qapısını açanda L. Oşitovanı döşəmədə huşsuz vəziyyətdə tapıblar.
Hadisə yerinə çağırılmış həkimlər ilkin müayinədən sonra L..Oşitovanın vəfat etdiyini müəyyənləşdiriblər.