APA-nın Türkiyə müxbirinin verdiyi məlumata görə, bu barədə Türk Şurasının qərargahından verilən məlumatda bildirilir.
BMT Baş Assambleyasının 70-ci sessiyasında iştirak etmək üçün Nyu-Yorkda olan baş katib Ramil Həsənov təşkilata üzv olan ölkələrin dövlət və hökumət başçılarının iştirak etdiyi Sammitə qatılıb. Ramil Həsənov Sammitdə BMT baş katibinin dəvəti ilə iştirak edir. Sammit 3 gün davam edəcək.
Qeyd edək ki, Türk Şurasının baş katibi Ramil Həsənov sentyabrın 24-də Şuraya üzv olan ölkələrin BMT-dəki daimi nümayəndəliklərinin rəhbərləri ilə görüşüb. Baş katib Həsənovun BMT-dəki görüş və müzakirələrinin əsas məqsədi Türk Şurasına BMT-də “Müşahidəçi statusu” əldə etməkdir.