Gənclər və İdman Nazirliyinin Mətbuat xidmətindən APA-ya verilən məlumata görə, Assambleyada nazir Azad Rəhimovun rəhbərliyi altında nümayəndə heyəti təmsil edib.
Baş Assamblayanın birinci günü əsas müzakirə olunan mövzulardan biri iyun ayında Bakıda keçirilən I Avropa Oyunları və Oyunların nəticələri olub. Açılışda çıxış edən Beynəlxalq Olimpiya Komitəsinin prezidenti Tomas Bax I Avropa Oyunlarının ən yüksək səviyyədə və çox böyük uğurla keçdiyini vurğulayıb.
Avropa Olimpiya Komitələrinin prezidenti Patrik Hikki Avropa Oyunlarının ötən ilin ən uğurlu idman hadisələrindən olduğunu qeyd edib, Oyunların möhtəşəmliyini, dünya standartlarına uyğun təşkil edildiyini, Oyunların həyata keçməsində zəhməti olan hər kəsin, xüsusilə könüllülərin peşəkarlığını, vətənpərvəliyini vurğulıb.
Avropa Olimpiya Komitələrinin baş katibi Rafaello Paqnotsi və İcraiyyə Komitəsinin üzvü Zlatko Matesa də öz çıxışlarında Avropa Oyunları zamanı əldə edilmiş uğurlardan və ümumiyyətlə bu Oyunların Avropa idman tarixində yeni bir səhifə olduğundan söz açıblar.
Avropa Oyunlarının yekun hesabatı A. Rəhimov tərəfindən verilib. Nazir Oyunlarla bağlı stasistik rəqəmlər səsləndirib, Oyunların ölkəmiz və Avropa üçün əhəmiyyətini qeyd edib. A. Rəhimov Oyunların hazırlığına 2,5 il yarım ayrıldığını qeyd edərək, ölkəmizin bu sahədə uğurlu model nümayiş etdirdiyini və qısa müddətdə ən yüksək nəticələr əldə edərək mötəbər tədbirin təşkilinə nail olduğunu diqqətə çatdırıb.
Nazir növbəti Avropa Oyunlarını keçirəcək növbəti ölkəni hazırlıq prosesi zamanı Azərbaycan təcrübəsindən yararlanmağa dəvət edib.
Çıxışın yekununda Oyunlara həsr olunmuş video çarx nümayiş etdirilib.
P. Hikki Oyunlarla bağlı gözəl xatirələrdən hər kəsin təsirləndiyini qeyd edib. O müasir və inkişafda olan ölkəmizin hər bir avropalı üçün yenidən kəşf edildiyini xüsusən vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
