Bakı. Məlahət Nəcəfova-APA. Bu gün Strasburqda Avropa Şurası Parlament Assambleyasının payız sessiyası başlayır. APA-nın məlumatına görə, sessiya oktyabın 2-nə kimi davam edəcək. Avropada miqrasiya və qaçqın böhranına humanitar və siyasi cavab, tranzit ölkələri üçün problemlər, real Avropa sığınacaq sistemi üçün vacib addımlar əsas müzakirə mövzuları olacaq
Həmçinin əczaçılıq sənayesi, dini azadlıq və demokratik cəmiyyətdə birlikdə yaşamaq, Avropa insan Haqları Məhkəməsinin qərarlarının həhata keçirilməsi də müzakirə olunacaq.
Sebiyanın baş naziri Aleksandr Vuiçiç, və Bosniya və Herseqovinanın xarici işlər naziri İqor Tsirnadak parlamentarlar qarşısında çıxış edəcək.
Assambleya növbəti 5 il müddətinə baş katibini seçəcək. Hazırda isə bu vəzifəsini Voytsex Savitski icra edir.
Bundan başqa sessiya çərçivəsində Avropa Şurasının baş katibi Turbörn Yaqland parlamentarilərin suallarına cavab verəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
