Kürdəmirdə xəsarətlə nəticələnən yol qəzası baş verib.
APA-nın yerli bürosunun xəbərinə görə, hadisə bu gün səhər saatlarında şəhərin Bakı prospektində qeydə alınıb.
Kürdəmir rayon sakini, 1996-cı təvəllüdlü Yəhya Qabil oğlu Xalıqovun idarə etdiyi “VAZ 2106” markalı avtomaşınla Alyarbəy Alıbəy oğlu Əhmədovun idarə etdiyi "Mercedes" markalı avtomobil toqquşub.
Nəticədə “VAZ 2106”da olan sərnişin, 1988-ci il təvəllüdlü Əlmusa Ələsgər oğlu Xalıqov müxtəlif xəsarətlər alaraq Kürdəmir Mərkəzi Rayon Xəstəxanasının travmatologiya şöbəsinə yerləşdirilib.
Faktla bağlı araşdırma aparılır.