APA-nın Fövqəladə Hallar Nazirliyinin (FHN) saytına istinadən verdiyi xəbərə görə, nazirliyin “112” qaynar xəttinə Bakı şəhəri, Nərimanov rayonunda partlayış təhlükəli əşyaların aşkarlanması barədə məlumat daxil olub.
FHN-in müvafiq qurumlarının mütəxəssisləri lazımi tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb. Nazirliyin mütəxəssisləri tərəfindən hadisə yerinə baxış keçirilərkən partlayış təhlükəli əşyaların boş gövdələri aşkarlanıb. Aşkarlanmış sursatların 1 ədəd 150 mm çaplı top mərmisi, 1 ədəd 85 mm çaplı top mərmisi, 2 ədəd 82 mm çaplı minaatan mərmisi, 8 ədəd 60 mm çaplı minaatan mərmisi, 12 ədəd 125 mm çaplı BK-125 mərmisi olduğu müəyyən edilib.
Sursatlar xilasedicilər tərəfindən aidiyyəti üzrə təhvil verilib.
Qeyd olunan ərazidə digər partlayış təhlükəli döyüş sursatları aşkar edilməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
