Bakı. Musa Əhmədov - APA-Economics. Azərbaycanda fəaliyyət göstərən kommersiya banklarının məcmu aktivləri son bir ildə 9 723,5 mln. manat və ya 38,61% artaraq 2016-cı il yanvarın 1-ə 34 mlrd. 906 mln. manata çatıb.
“APA-Economics”in xəbərinə görə, bu barədə Azərbaycan Mərkəzi Bankının saytında dərc edilmiş məlumatda qeyd edilib. 2015-ci ilin dekabr ayı ərzində aktivlərin həcmi 6 360,1 mln. manat və ya 22,28% artıb.