Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində dələduzluqda təqsirləndirilən İltifat Əliyevin cinayət işi üzrə məhkəmə prosesi başa çatıb.
APA-nın məlumatına görə, prosesdə hökm oxunub. Hökmə əsasən, İ. Əliyev 9 il müddətinə azadlıqdan məhrum edilib.
Qeyd edək ki, İ. Əliyev dələduzluq yolu ilə vətəndaşların pullarını mənimsəyib. Zərərçəkmişlərin şikayətindən sonra İ. Əliyev saxlanılaraq istintaqa təhvil verilib. O, Cinayət Məcəlləsinin 178-ci (dələduzluq) maddəsinə əsasən ittiham olunub.