Moldovanın Nisporen şəhərinin meri azərbaycanlı iş adamlarını bu şəhərə investisiya yatırmağa dəvət edib.
Nisporen şəhərinin meri Georgiu Robo “APA-Economics”ə açıqlamasında bildirib ki, azərbaycanlı iş adamları Nisporen şəhərinə investisiya yatıra bilər.
O bildirib ki, Moldova aqrar ölkədir və burada çaxır, konyak və şampan istehsalı üçün çox yaxşı üzüm növləri mövcuddur: “Bu sahədə inkişaf etmək imkanları mövcuddur. Bundan başqa, üzümçülük Moldovada kreativ biznesdir. Belə bir arzusu olan azərbaycanlı iş adamlarını biz hər zaman qəbul etməyə hazırıq. Onların biznesinə, əməkdaşlığına dəstək olmağa hazırıq”.