Mazandaran. Elvin Bayramlı - APA. "Mazandaranda Xəzəryanı ölkələrdə yaşayan xalqların mədəniyyət festivalının keçirilməsini planlaşdırırıq və bu festivalda Azərbaycan nümayəndə heyətinin aktiv iştirak etməsini istəyirik".
APA-nın İrana ezam olunmuş müxbiri xəbər verir ki, bunu azərbaycanlı jurnalistlərlə görüşdə İranın Mədəni İrslərin Qorunması Təşkilatının Mazandaran əyaləti üzrə idarəsinin rəhbəri Dilavər Bozorgniya deyib.
D. Bozorgniyanın sözlərinə görə, 2005-ci ildə Mazandaranda Novruz bayramı ərəfəsində keçirilən Xəzəryanı ölkələrin musiqi festivalında Azərbaycan nümayəndə heyəti də geniş tərkibdə iştirak edib: "Azərbaycanlı musiqiçilərin ifaları çox bəyənilib. Bu səbəbdən azərbaycanlı sənətçilər əyalətin televiziyasında dəfələrlə çıxış ediblər”.
D.Bozorgniya ümid etdiyini bildirib ki, yaxın gələcəkdə Mazandarının incəsənət xadimlərinin Azərbaycanda konserti təşkil olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
