Bakı - APA. Azərbaycan prezidenti yanında Gənclər Fondunun icraçı direktoru Fərhad Hacıyev Avropa Şurasının gənclərlə iş sahəsi üzrə proqram komitəsinin üzvü kimi iyunun 3-6-da Macarıstanın Budapeşt şəhərində Avropa Şurasının gənclərlə iş sahəsi üzrə proqram komitəsinin 29-cu iclasında iştirak edib.
Gənclər Fondunun mətbuat xidmətindən APA-ya verilən məlumata görə, iclasın keçirilməsində əsas məqsədlərdən biri 2012-ci ilin gənclər sahəsi üzrə proqramın monitorinqinin aparılması və 2013-cü ilin proqram və büdcəsinin müzakirə olunması, eyni zamanda Avropa Gənclər Fondu tərəfindən 2013-cü ilin fəaliyyətlərinin qiymətləndirilməsindən ibarət idi.
İclas zamanı 2012-ci ilin büdcəsinin monitorinqi aparılıb, 2013-cü ilin birinci hissəsi ərzində Avropa Gənclər Fonduna daxil olan gənclər layihələri və onlara ayrılmış vəsait müzakirə olunub, eyni zamanda proqram komitəsinin üzvlərinə növbəti 2014-cü il üçün büdcə layihəsi təqdim olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
