Bakı. Əli Əhmədov – APA-Economics. İyunun 5-də Azərbaycanda ilk metanol zavodu fəaliyyətə başlayıb.
“APA-Economics”in xəbərinə görə, bu barədə müəssisənin sahibi, “AzMeCo” şirkətinin prezidenti Nizami Piriyev Bakıda keçirilən “Caspian Oil&Gas-2013” Xəzər Neft-Qaz Konfransında çıxış edərkən bildirib.
Onun sözlərinə görə, zavodun istehsal gücü 720 min ton təşkil edir və artıq 2 aydan sonra ilk məhsul alınacaq. N.Piriyev bildirib ki, hələlik ölkə daxilində metanola tələbat böyük olmadığına görə ilk mərhələdə alınan məhsul ixrac olunacaq.