Bakı-APA. Nikaraqua HHQ baş qərargahının rəisi polkovnik Manuel Lopes və 9 nəfər yüksək rütbəli hərbçi ölkə paytaxtı Manaqua yaxınlığında baş vermiş aviaqəza nəticəsində həlak olublar.
Mi-17 helikopteri Kuatro-Palos şəhəri yaxınlığında uçarkən naməlum səbəbdən yerə çırpılıb. İlkin məlumatlara əsasən, helikopter havada yanaraq partlayıb.
Rəsmilər helikopterdə HHQ əks-kəşfiyyat xidmətinin rəisi polkovnik Çester Varqasın, ölkənin hava əleyhinə müdafiə xidmətinin şefi Aldo Erreranın olduğunu da bildirirlər.
Həlak olmuş hərbçilər 1979-cu ildəki çevrilişdən sonra Nikaraqua silahlı qüvvələrini yaradan şəxslərdir.