Bakı – APA. 2014-cü ilin oktyabr ayından Hindistana səfər edən xarici turistlərə viza hava limanında veriləcək. Müvafiq qərar 180 ölkənin vətəndaşlarına şamil olunacaq.
APA-nın “İndia Today”a istinadən verdiyi məlumata görə, bunu Hindistanın ölkə planlaşdırılması naziri Raciv Şukla deyib.
Onun sözlərinə görə, viza rejiminin sadələşdirilməsi yalnız 8 ölkənin vətəndaşlarına şamil olunmayacaq. Bura Şri-Lanka, Pakistan, Sudan və İran kimi ölkələr daxildir.