Bakıda “İnformasiya təhlükəsizliyinin idarəetmə sistemləri” sahəsində təlimlər başlayıb

Bakıda “İnformasiya təhlükəsizliyinin idarəetmə sistemləri” sahəsində təlimlər başlayıb
# 22 aprel 2014 07:37 (UTC +04:00)

Bakı. Musa Əhmədov – APA-Economics. Azərbaycanda ilk dəfə olaraq İSO/İEC 27001:2013 “İnformasiya təhlükəsizliyinin idarəetmə sistemləri” standartının yenilənmiş variantının tətbiqi istiqamətində informasiya təhlükəsizliyinin idarəetmə sistemlərinin tətbiqi və daxili audit üzrə təlimlər keçirilir.

Standartlaşdırma, Metrologiya və Patent üzrə Dövlət Komitəsindən “APA-Economics”ə verilən məlumata görə, təlimlərin təşkilatçıları Azərbaycan Standartlaşdırma və Sertifikatlaşdırma İnstitutu (ASSİ) və Britaniya Standartlar İnstitutudur (BSİ).

Məlumatda qeyd olunur ki, informasiya təhlükəsizliyinin idarəetmə sistemi mühüm əhəmiyyət kəsb edən informasiya aktivlərinin qorunması istiqamətində idarəolunan yanaşmadır və bu yanaşma İSO/İEC 27001:2013 “İnformasiya təhlükəsizliyinin idarəetmə sistemləri” beynəlxalq standartın tətbiqi ilə həyata keçirilir. Bu sistem informasiya təhlükəsizliyi üzrə adekvat nəzarətin təmin olunmasında insanların və proseslərin inteqrasiyasını tam əks etdirir. Bu standart ilk dəfə olaraq BSİ tərəfindən 1995-ci ildə BS 7799 nömrəsi ilə təsdiq olunub.

Qeyd edək ki, dörd günlük təlimlər aprelin 24-də yekunlaşacaq. Təlimləri müvəffəqiyyətlə bitirən iştirakçılar İSO/İEC 27001 standartının tətbiqi üzrə daxili auditor biliklərinə yiyələnmələri barədə BSİ rəsmi beynəlxalq sertifikatı ilə təltif olunacaqlar.

#
#

ƏMƏLİYYAT İCRA OLUNUR