Bakı-APA. İran parlamentinin deputatları Avropa Parlamentinin aprelin 6-da bu ölkənin əleyhinə qəbul etdiyi qətnaməyə etiraz əlaməti olaraq Avropaya səfərini təxirə salıblar. APA-nın “İTAR-TASS”a istinadən verdiyi xəbərə görə, İran parlamenti dekabrda ölkəyə etmiş Avroparlamentin nümayəndə heyətinin rəhbəri Tarye Kronberqə müvafiq məktub ünvanlayıb. Qeyd olunan qətnamədə rəsmi Tehran insan hüquqlarını pozmaqda ittiham olunub.
İran parlamentinin nümayəndə heyəti Kronberqin dəvəti ilə 27-28 aprel tarixində Strasburqa səfər etməyi planlaşdırmışdı.
Qətnamə İranda kəskin etiraza səbəb olub. Aprelin 6-da İran parlamentinin 200-dək deputatı sənədi kəskin pisləyən bəyanat qəbul edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
