Şəmkir. Azər Məmmədli - APA. Şəmkir rayonunun Zəyəm qəsəbəsi ərazisindən keçən dəmir yolu xəttində ölüm hadisəsi baş verib. Şəmkir rayon Prokurorluğunun müstəntiqi Rəcəb Hacıyevin APA-nın qərb bürosuna verdiyi məlumata görə, hadisə bu gün saat 12.30 radələrində baş verib. Azərbaycan Dəmir Yolları QSC-nin İnfrastruktur Departamentinin 5 saylı müəssisəsində elektrik işləyən Şəmkir rayon sakini, 1970-ci il Mehman Ələsgərovu xidmətdə olan zaman elektrik cərəyanı vurub.
Faktla bağlı Şəmkir rayon Prokurorluğunda cinayət işi açılıb, araşdırma aparılır.