Şabran. Vəli Turan – APA. Bakı-Quba Rusiya federasiya dövlət sərhədi yolunun 128-ci kilometrliyində yol-nəqliyyat hadisəsi baş verib. APA-nın şimal bürosunun xəbərinə görə, “QAZ 53” markalı yük maşını ilə “Mercedes” markalı minik maşını toqquşub. “Mercedes” markalı avtomaşın qarşıda hərəkətdə olan yük maşınına çırpılaraq qarşı tərəfdən hərəkət edən avtomobillər üçün nəzərdə tutulan hərəkət zolağına çıxaraq aşıb. Qəza nəticəsində xəsarət alan olmasa da, avtomaşınlara ciddi ziyan dəyib. Qəzadan sonra magistral yolda bir müddət tıxac yaranıb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
