Bakı. Aynur Əliyeva – APA-Economics. Bu ilin sonuna kimi Azərbaycanın 205 kəndi stasionar telefon şəbəkəsi ilə təmin olunacaq. Hazırda bu istiqamətdə intensiv işlər aparılır.
“APA-Economics”in məlumatına görə, bunu Rabitə və İnformasiya Texnologiyaları Nazirliyinin (RİTN) İnformasiya cəmiyyətinin inkişafı şöbəsinin müdiri İsfəndiyar Əliyev bildirib.
Onun sözlərinə görə, 38 telekommunikasiya qovşağının ərazisində bu işlərə başlanılıb: “Bu işlər 205 obyekti, yəni xırda kəndləri əhatə edir. Həmin kəndlərin artıq 70-də işlər yekunlaşıb, digərlərində də ilin sonuna kimi başa çatdırmağı planlaşdırırıq. İşlərin yekunu olaraq 33 718 abunəçinin şəbəkəyə qoşulması təmin ediləcək”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
