DSX-nın Mətbuat Mərkəzindən APA-ya verilən məlumata görə, tədbirdə DSX rəisi, Sərhəd Qoşunlarının Komandanı, general-leytenant Elçin Quliyev, ARDNŞ prezidenti Rövnəq Abdullayev və DSX-nın şəxsi heyəti iştirak edib.
Avqustun 23-26-da baş vermiş yanğının üzmə vasitələrinə quyuya yaxınlaşmağa imkan vermədiyi, yüksək hava hərarəti və hədəfin görünməzliyi şəraitində açılmış sərrast atəşlər nəticəsində quyunun ağzının yanğının söndürülməsinə imkan verməyən avadanlıqlardan təmizlənilməsi, bu tapşırığın yerinə yetirilməsində DSX-nın şəxsi heyətinin yüksək peşəkarlıq, məharət və fədakarlıq nümayiş etdirməsi, nəticə etibarilə Xəzər dənizinin ekologiyasına, həmçinin dövlət büdcəsinə dəyə biləcək külli miqdarda ziyanın qarşısının alınması ARDNŞ rəhbərliyi tərəfindən xüsusi qeyd olunub.
DSX-nın 17 hərbi qulluqçusu ARDNŞ-in fəxri fərmanları və qiymətli hədiyyələri ilə mükafatlandırılıb.