Bakı-APA. Gənclər və idman naziri Azad Rəhimov sentyabrın 17-də Gəncə şəhərində vətəndaşları qəbul edəcək. Gənclər və İdman Nazirliyinin mətbuat xidmətindən APA-ya verilən məlumata görə, qəbulda Gəncə, Ağstafa, Daşkəsən, Gədəbəy, Goranboy, Göygöl, Qazax, Samux, Şəmkir, Naftalan və Tovuz rayonlarının sakinləri iştirak edəcəklər.
Qəbul saat 11.00-da Gəncə Dövlət Aqrar Universitetinin baş binasında (Gəncə şəhəri, Atatürk prospekti, 262 (Xan bağının yanı) başlanacaq.
Qəbula gəlmək istəyən vətəndaşların 16 sentyabr 2013-cü il tarixinədək (şənbə və bazar günləri də daxil olmaqla) saat 09.00-dan 18.00-dək adı qeyd olunan şəhər və rayonların gənclər və idman idarələri ilə əlaqə saxlamaları xahiş olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
