Bakı. Aqşin Rafiqoğlu – APA-Economics. Ötən ilin dekabr ayında Azərbaycanda 2,2 mlrd. kVt/saatdan artıq elektrik enerjisi istehsal edilib.
«Azərenerji» ASC-dən «APA-Economics»ə verilən məlumata görə, bu, 2012-ci ilin dekabr ayına nisbətən 4,8% çoxdur.
Ötən il ərzində isə Azərbaycanın enerji sistemində ümumilikdə 21,5 mlrd. kVt/saatdan çox elektrik enerjisi istehsal edilib. İllik müqayisədə ölkədə elektrik enerjisi istehsalı 0,9% artıb.
Bununla yanaşı, il ərzində ölkə enerji sisteminin əlaqəsi olan qonşu dövlətlərlə elektrik enerjisi mübadiləsi davam etdirilib.