Sosial

Ana səhifə

Sosial

BANM-in tələbələri BP şirkətinin “ATA yard” sahəsində olublar - FOTOSESSİYA

BANM-in tələbələri BP şirkətinin “ATA yard” sahəsində olublar - <span style="color: red;">FOTOSESSİYA

27 may 2015 08:49 (UTC +04:00)

Bakı-APA. Bakı Ali Neft Məktəbinin (BANM) BP şirkəti ilə əməkdaşlığı çərçivəsində BANM-in II və III kurs tələbələrinin BP şirkətinin “ATA (Amec-Tekfen-Azfen) yard” sahəsinə səfəri təşkil edilib.

BANM-in ictimaiyyətlə əlaqələr şöbəsindən APA-ya verilən məlumata görə, səfərdən öncə rektor Elmar Qasımov tələbələrlə görüşüb. Elmar Qasımov Bakı Ali Neft Məktəbinin bir sıra beynəlxalq və yerli şirkətlərlə əlaqələrindən söz açaraq, BANM-in BP şirkəti ilə əməkdaşlığından danışıb. O, tələbələrin transmilli şirkətlərdə istehsalat təcrübəsinin keçirilməsinin onların gələcək fəaliyyətində böyük uğur qazanmasına və təcrübəli mütəxəssis kimi yetişməsinə kömək edəcəyini deyib. Elmar Qasımov BP ilə yanaşı, digər transmilli şirkətlərdə də BANM tələbələrinin təcrübə keçəcəklərini vurğulayıb. O, BP şirkətində tələbələrin təcrübə keçməsi üçün Ali Məktəbin bu sahədə əməkdaşlığının davamlı olacağına inamını ifadə edib. Sonra tələbələr “ATA (Amec-Tekfen-Azfen) yard” sahəsinə yola salınıb.

Səfər zamanı layihə meneceri Rəhman Rəhmanov, layihə mühəndisləri Yaşar Məmmədov və Rüstəm Kərimov təqdimatla çıxış ediblər. Tələbələrə “Şahdəniz-2” layihəsi və platformalar haqda geniş məlumat verilib.

Tələbələrə, o cümlədən, təhlükəsizlik qaydaları üzrə təlim keçirilib və 16 nəfər tələbə 2 qrup şəklində hər qrupda 2 nəfər olmaqla 4 mühəndisin müşayiəti ilə platformaların hazırlandığı sahələrlə tanış olub. Tələbələr mühəndislərlə birgə nahar edib və sonda səfər brifinqlə yekunlaşıb.

Qeyd edək ki, səfərin məqsədi tələbələri istehsalat sahələri ilə yaxından tanış etmək, onların təcrübi biliklərini artırmaqdır. BANM tələbələri “ATA yard” sahəsinə səfər edən ilk tələbələrdir.