ABŞ və İran tərəflərdən heç birinin həlledici qələbə qazanmaq imkanına malik olmadığı və münaqişənin başa çatdırılması üçün aydın yolun görünmədiyi uzunmüddətli müharibəyə cəlb olunub.
Bu barədə "Bloomberg" məlumat yayıb.
Agentliyin qiymətləndirməsinə görə, hazırkı qarşıdurma Vaşinqtonla Tehran arasında təxminən yarım əsrdir davam edən düşmənçiliyin nəticəsidir və münaqişənin yaxın zamanda başa çatacağına dair ciddi əlamətlər yoxdur.
Bloomberg hesab edir ki, qarşıdurma döyüşlərin təkrarlanan dövrləri ilə davam edir və nə ABŞ, nə də İran həlledici üstünlük əldə edə bilir. Agentlik danışıqların belə tərəflər arasında mövcud fundamental ziddiyyətləri uzun müddət aradan qaldıra biləcəyini şübhə altına alır.
Agentliyin fikrincə, ən real ssenari aşağı intensivlikli qarşıdurmanın davam etməsi, onun qeyri-sabit atəşkəslərlə və yeni zərbə dalğaları ilə vaxtaşırı dayanmasıdır. Bununla yanaşı, Hörmüz boğazının yenidən bağlanması ehtimalı da qalır və yekun nizamlanma perspektivi hələlik görünmür.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
