Müsavat başqanının müavini Elman Fəttah APA-ya açıqlamasında aksiyanın təşkilatçılarını “Müsavatın daxilinə yerləşdirilmiş agentura şəbəkəsinin üzvləri” adlandırıb. O, aksiyada iştirak edənləri partiyaya xəyanətdə ittiham edərək bildirib ki, onlar barədə partiyanın ciddi qərarları olacaq: “Artıq partiyaya qarşı heç kimdə şübhə olmayan təxribat fəaliyyətini genişləndirən şəxslərin partiyadan qovulması məsələsini əsaslı şəkildə qaldıracağam. Ümid edirəm ki, digər şəxslər də bu məsələyə partiya maraqları nöqteyi-nəzərindən yanaşacaqlar. Bu aksiyanın keçirilməsi həmin şəxslərin Müsavatda qalmayacağının sübutudur”.
E. Fəttah aksiyada səslənən tələblərə də toxunaraq, partiyadan qovulan şəxslərin bərpa edilməsinin qeyri-mümkün olduğunu vurğulayıb: “6 nəfər Nizamnamə çərçivəsində partiyadan çıxarılıb. Düşünmürəm ki, bu cür şərtlərdə partiyadan çıxarılmış şəxslərin bərpası mümkün olsun”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
