Bakı - APA-Economics. Sabah Səbail, Yasamal və Nəsimi rayonlarının qaz təchizatında məhdudiyyətlər olacaq.
“Azəriqaz” İB-dən “APA-Economics”ə verilən məlumata görə, təmir işləri ilə əlaqədar 30 mart 2013-cü il tarixdə saat 12:00-dan etibarən “Mədən” Qazpaylayıcı Stansiyasından qidalanan “Bakqaz” qaz kəmərində təbii qaz təchizatı dayandırılacaq.
Təmir işləri aparılan müddətdə Səbail, Yasamal və Nəsimi rayonlarının bir hissəsinə təbii qazın verilişində fasilələr yaranacaq.