Bakı. Könül Cəfərli – APA. “Tehranla “altılıq” ölkələri arasında İranın nüvə proqramı ilə bağlı aparılan danışıqlar mərhələsi çox uzun müddət davam edə bilməz”. APA-nın məlumatına görə, bunu vəzifəsinin son günündə jurnalistlərə açıqlama verən ABŞ dövlət katibi Hillari Klinton deyib.
O bildirib ki, söhbət konkret vaxtdan etmir: “Demirəm ki, günlər, həftələr və ya aylar sonra. Amma hesab edirəm ki, bu probleminin həlli üçün aparılan danışıqlar çox uzun çəkməyəcək. Həmçinin İranın nüvə məsələsinin həlli üçün nəzərdə tutulan bütün tədbirlər gündəmlə qalır”.
H.Klinton əlavə edib ki, ABŞ İranın Suriya hakimiyyətinə göstərdiyi hərbi yardımı artırmasından narahatdı: “İran Bəşər Əsədin hakimiyyətdə qalmasına çalışır. Odur ki, Suriyaya daha çox hərbi dəstək göstərir, ora öz hərbi personalını göndərir. İranın bu ölkəni silahla təchiz etməsini artırması ciddi narahatlıq doğurur”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
