APA-nın BBC-yə istinadən verdiyi xəbərə görə, bu barədə Gürcüstan baş naziri İrakli Qaribaşvili jurnalistlərə açıqlamasında bildirib.
“Hökumət başçısı kimi hesab edirəm ki, Gürcüstan Avropa İttifaqının Rusiya Federasiyasına qarşı tətbiq etdiyi sanksiyalara qoşulmamalıdır. Bizim bu mövqeyimiz ötən il də belə idi, indi də belədir və biz mövqeyimizi dəyişməyə hazırlaşmırıq”, - deyə İ. Qaribaşvili əlavə edib.
Xatırladaq ki, daha əvvəl oxşar bəyanatla Gürcüstan baş nazirinin Rusiya ilə münasibətlərin tənzimlənməsi məsələləri üzrə xüsusi nümayəndəsi Zurab Abaşidze çıxış edib.
Z. Abaşidze Gürcüstanın Krım və Sevastopoldan ixrac olunan məhsullara qoyduğu embarqonun uzadıldığını bildirib.
Qeyd edək ki, Avropa İttifaqı bu il iyunun 22-də Rusiyaya qarşı sanksiyaların müddətinin 31 yanvar 2016-cı ilə qədər uzadılması barədə qərar qəbul edib.
Buna cavab olaraq isə Rusiya hakimiyyət dairələri sanksiyalara qoşulan dövlətlərdən məhsul idxalına qoyduğu embarqonun müddətini uzadıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
