Birləşmiş Ukrayna Azərbaycanlıları Konqresindən (BUAK) APA-ya verilən məlumata görə, konqres sədri Rövşən Tağıyevin sədrliyi ilə keçirilən toplantıda gələn il üçün Ukraynada Azərbaycan diasporunun görəcəyi işlərin planı da tutulub.
Toplantıdan əvvəl təşkilat sədrləri Azərbaycanın Ukraynadakı səfiri Eynulla Mədətlinin iştirakı ilə Heydər Əliyevin Kiyevdəki abidəsini ziyarət ediblər.
Toplantıda Konqresin Dnepropetrovsk vilayəti üzrə sədri Qüdrət Hacıyev, Xarkov vilayəti üzrə sədri Qurban Abbasov, Donetsk vilayəti üzrə sədri Malik Pirverdiyev, Nikolayev vilayəti üzrə sədri Yunus Əliyev, Jitomir vilayəti üzrə sədri İlqar Məmmədov, Zakarpatiya bölgəsi üzrə sədri Zakir Göyüşov, Xmelnitsk vilayəti üzrə sədri Ceyhun Qasımov, Nikolayev şəhəri Milli Cəmiyyətlər Şurasının azərbaycanlı sədri Anar Axundov da iştirak edib.
Toplantıda Ukraynada yaşayan azərbaycanlılar bir sıra məsələlərlə bağlı bəyanat qəbul ediblər. Bəyanatda ölkədə baş verən və baş verə biləcək hadisələri nəzərə alaraq azərbaycanlıların hüquqlarının qorunması, ölkənin şərq hissəsində yaşayan həmvətənlərin təhlükəsizliyinin təmin edilməsi, Ukrayna və Azərbaycan arasında dostluq münasibətlərinin inkişafına yeni töhfələrin verilməsi, ölkədə yaşayan azərbaycanlı gənclərin diaspor işində səfərbər edilməsinin daha da gücləndirilməsi, o cümlədən siyasi, iqtisadi və mədəni sahələrdə Ukrayna azərbaycanlılarının maraqlarının təqdim edilməsi əksini tapıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
