Bakı. Fuad Cəfərov – APA. Soyğunçuluq edən Bakı şəhər sakinində narkotik aşkar edilib.
APA-nın Daxili İşlər Nazirliyinin saytına istinadən verdiyi məlumata görə, Bakının Nizami Rayon Polis İdarəsinin 25-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində yanvarın 3-də Rahilə Muradovanın 210 manatını və sənədlərini soyğunçuluq yolu ilə alan Bakı şəhər sakini, əvvəllər məhkum olunmuş Qurban Əsədov tutulub. Ondan 0,280 qram heroin götürülüb.