Bakı – APA. Ermənistanda yüksək rütbəli hərbçi həbs olunub.
APA-nın Ermənistan mətbuatına istinadən verdiyi məlumata görə, İrəvanın Maştots rayonunun hərbi komissarlığının şöbə rəisi, podpolkovnik Şant Avetisyan 5 min dollar rüşvət alarkən saxlanılıb.
Faktı Ermənistan Müdafiə Nazirliyinin mətbuat katibi Artsrun Ovannisyan təsdiq edib. O bildirib ki, əməliyyatı Ermənistan Müdafiə Nazirliyi Hərbi polisinin operativ qrupu həyata keçirib.