Bakı. Şəhriyar Əlizadə - APA. Bu gün Lənkəran Rayon Məhkəməsində “Hüseyniyyə” məscidində baş vermiş insidentə görə, təqsirləndirilən İlkin Əsədov və İbrahim Azadovun cinayət işi üzrə məhkəmə prosesi davam etdirilib.
APA-nın məlumatına görə, prosesdə dövlət ittihamçısı çıxış edərək təqsirləndirilən şəxslərdən hər birinin 4 il müddətinə azadlıqdan məhrum edilməsini istəyib.
Proses mayın 8-də davam etdiriləcək.
Qeyd edək ki, 2012-ci il dekabrın 5-də Lənkəranda Kiçik Bazar ünvanında yerləşən “Hüseyniyyə” məscidində dini icma rəhbəri olan Həmdulla Əliyevlə təqsirləndirilən şəxslər arasında insident yaşanıb. H. Əliyev bundan sonra şikayət edərək, həmin şəxslərin onu döyərək xəsarət yetirdiklərini bildirib. Nəticədə məsələ ilə bağlı cinayət işi başlanılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
