ABŞ Prezidenti Cozef Bayden sələfi Donald Trampın ölkədə yeni növ koronavirusun yayılması ilə əlaqədar tətbiq etdiyi fövqəladə rejim müddətini uzadıb.
APA TASS-a istinadən xəbər verir ki, bununla bağlı amerikalı lider müvafiq fərman imzalayıb.
“13 mart 2020-ci il tarixdə prezident COVID-19 pandemiyası ilə əlaqədar olaraq ölkədə fövqəladə vəziyyət rejimi elan edib. Pandemiya ictimaiyyətin sağlamlığı və ölkənin təhlükəsizliyi üçün ciddi risk yaratmaqda davam edir. Buna görə də fövqəladə vəziyyət rejimi 1 mart 2021-ci il tarixindən sonra da davam etdirilməlidir”, - deyə Ağ Evin mətbuat xidməti tərəfindən yayılmış fərmanın mətnində qeyd olunub.
Fövqəladə vəziyyət rejiminin müddətinin nə vaxtadək uzadılması açıqlanmayıb.
Bayden bildirib ki, ABŞ-da yeni növ koronavirus infeksiyası nəticəsində 500 mindən çox insan öldüyü üçün “federal hökumətin bütün imkanlarından yararlanmaqla COVID-19-la mübarizə və ona qarşılıq verilməsi davam etdirilməlidir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
