Bakı-APA. Ağdaş rayonu, Pirəzə kəndində vətəndaşa məxsus ümumi sahəsi 60 m2 olan birmərtəbəli 4 otaqlı evin yanar konstruksiyaları, bitişik ümumi sahəsi 60 m2 olan talvar və talvarın altına yığılmış 6 ton ot bağlamasının 4 tonu yanıb.
APA-nın Fövqəladə Hallar Nazirliyinin saytına istinadən verdiyi məlumata görə, yanğın zamanı yaxınlıqdakı 2 baş iri buynuzlu (buzov) heyvan tüstüdən boğularaq tələf olub.
Ot bağlamasının qalan hissəsi yanğından mühafizə olunub. Yanğın saat 16:15-də yanğınsöndürənlər tərəfindən söndürülüb.