Bakı. Hafiz Heydərov – APA. Bərdədə 5 yaşlı uşaq faciəli şəkildə ölüb.
Daxili İşlər Nazirliyinin mətbuat xidmətindən APA-ya verilən məlumata görə, mayın 9-da saat 18 radələrində Bərdə rayonunun Otuzikilər kəndində kənd sakini Xanməd Əsgərov idarə etdiyi “T-28” markalı traktoru yolun kənarındakı hasara vurub və bu zaman hasar 5 yaşlı Rüfət Hətəmovun üstünə aşıb. R. Hətəmov xəstəxanada ölüb.
Faktla bağlı araşdırma aparılır.