Şəki. Vüqar Heydərov-APA. Şəkidə 45 yaşlı kişini tok vurub.
Şəki Rayon Mərkəzi Xəstəxanasından (RMX) APA-nın Şəki-Zaqatala bürosuna verilən məlumata görə, Şəki şəhəri, Aşıq Cuma keçəsi ev 9 ünvanında yaşayan Şahin Soltan oğlu Mustafayev iyunun 1-i axşam saatlarında şok vəziyyətdə xəstəxanaya daxil olub.
Həkim müayinəsi və araşdırması zamanı məlum olub ki, 45 yaşlı Ş. Mustafayevi yaşadığı evin həyətyanı sahəsindəki mal tövləsinin çardağında elektrik cəryanı vurub. Xəstəxananın reanimasiya şöbəsinə yerləşdirilən Ş. Mustafayevə lazımi tibbi yardım göstərilib, vəziyyəti orta-ağır qiymətləndirilir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
