Bakı-APA. Malinin paytaxtı Bomako şəhərində “Radisson” hotelində saxlanılan girovlardan 5 nəfəri Türkiyə Hava Yolları (THY) şirkətinin əməkdaşıdır.
APA-nın DHA-ya istinadən xəbərinə görə, THY əməkdaşları artıq azad olunublar. Onlar Türkiyə vətəndaşları olan pilot və digər ekipaj üzvləridir.
Qeyd edək ki, ümumilikdə 170 nəfər girov götürülüb, onlardan 140-ı qonaq, 30-u isə hotel əməkdaşıdır.
Hotelə giriş və çıxış qadağan edilib. İndiyədək 3 nəfərin öldürüldüyü barədə xəbər yayılıb.