Bakı. Aqşin Rafiqoğlu - APA-Economics. Planlaşdırılmış profilaktik işlər proqramından sonra "Azəri-Çıraq-Günəşli" yataqlar blokundakı “Çıraq” platforması dünəndən işə salınıb.
Bu barədə “APA-Economics”ə yataqlar blokunun operatoru olan “BP-Azerbaijan” şirkətindən məlumat verilib.
Məlumata görə, proqram üzrə nəzərdə tutulmuş bütün işlər uğurla və tam təhlükəsiz şəkildə başa çatdırılıb.
Xatırladaq ki, noyabrın 10-da "Çıraq" platformasının planlaşdırılmış dayandırılması proqramı həyata keçirilib.