ABŞ-ın Luiziana ştatının Nyu Orlean zooparkında nəsli kəsilməkdə olan Sumatra oranqutanq balası dünyaya gəlib.
APA-nın məlumatına görə, bu barədə "The Hill" qəzeti yazır.
Meymun balasının anası Menari əkizlər dünyaya gətirməli idi, lakin onlardan biri onun bətnində ölüb. Zooparkda bildiriblər ki, oranqutanqların nadir hallarda əkizləri olur, bu da təbii olaraq yüksək risklə əlaqələndirilir.
"Oranqutanq hamiləliyi, xüsusilə ilk dəfə doğan meymunlar üçün bir çox risklə qaynaqlanır", - deyə zooparkın baş baytarı Bob Maklin bildirib.
O izah edib ki, meymun balası problemsiz doğulub. Sonra Menari təkbaşına ikinci övladı dünyaya gətirməyə çalışsa da, buna müvəffəq olmayıb, bundan sonra mütəxəssislər ona kömək etməyə başlayıblar. Menari narkoz edildikdən sonra baytarlar ikinci balanın artıq öldüyünü müəyyən ediblər.
Xatırladaq ki, hazırda təbiətdə 14 mindən az Sumatra oranqutanqı yaşayır və onların sayı azalmaqda davam edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
