Həftələrlə yağan yağışlar nəticəsində ABŞ-ın Ayova ştatında sel və daşqın olub.
APA-nın “Associated-Press” agentliyinə istinadən verdiyi xəbərə görə, Rok çayının daşmasıyla əlaqədar yerli vaxtla saat 2.00-da 4200 sakini olan Rok-Velli qəsəbəsi boşaldılmağa başlanıb.
Sakinlər qayıqlarla təxliyə olunub.
Sel və daşqınlarla əlaqədar bir neçə magistral, o cümlədən Su-Fols şəhərindən 29 km cənubdakı ştatlararası magistral da bağlanıb. Bir müddət sonra ştatlararası magistralda nəqliyyatın hərəkəti bərpa olunub.
Üç gün ərzində Su-Fols şəhərinə 17,7 sm yağış düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
