ABŞ Ukraynaya yeni hərbi yardım paketini elan edib

ABŞ Ukraynaya yeni hərbi yardım paketini elan edib
# 24 may 2024 22:58 (UTC +04:00)

Birləşmiş Ştatlar Ukrayna üçün yeni hərbi yardım paketini elan edib.

APA xəbər verir ki, bu barədə ABŞ Dövlət Departamenti məlumat yayıb.

Bildirilib ki, ABŞ-nin Ukraynaya Rusiyanın Xarkov yaxınlığındakı hücumunu dəf etməyə kömək etmək səylərinin bir hissəsi olan 275 milyon dollarlıq hərbi yardım paketi təcili ehtiyac duyulan imkanları ehtiva edir

Hərbi paketə "HIMARS" üçün 155 və 105 mm-lik artilleriya mərmiləri, "BGM-71 TOW" tank əleyhinə idarəolunan raket kompleksi, "Javelin" və "AT-4" zireh əleyhinə sistemlər, dəqiq hava sursatları, atıcı silahlar və atıcı silahların əlavə patronları və qumbaraatanları, zirehli maşınlar əleyhinə minalar, taktiki nəqliyyat vasitələri, bədən zirehləri, kimyəvi, bioloji, radioloji, nüvə qoruyucu vasitələri və ehtiyat hissələri, texniki xidmət və digər avadanlıqlar daxildir.

"Əvvəlki paketlərdən olan yardımlar artıq cəbhə xəttinə çatıb və biz bu yeni yardımı mümkün qədər tez çatdıracağıq ki, Ukrayna hərbçiləri bundan öz ərazilərini müdafiə etmək və Ukrayna xalqını qorumaq üçün istifadə etsinlər. Prezident Baydenin açıqladığı kimi, Birləşmiş Ştatlar və liderliyimiz altında beynəlxalq koalisiya Ukraynanın azadlığının müdafiəsində onun yanında olmağa davam edəcək" - ABŞ Dövlət Departamenti qeyd edib.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR