ABŞ-Yunanıstan Strateji Dialoqu keçirilib.
APA xəbər verir ki, bu barədə Yunanıstanda səfərdə olan ABŞ dövlət katibi Entoni Blinken "Twitter"də bildirib.
Diplomat ABŞ-Yunanıstan münasibətlərinin həmişəkindən daha güclü olduğunu qeyd edib.
Blinken 2021-ci ilin oktyabrında iki ölkə arasında müdafiə əlaqələrinin əsasını təşkil edən yenilənmiş ABŞ-Yunanıstan Qarşılıqlı Müdafiə Əməkdaşlığı Sazişini imzaladığını xatırladıb.