Bakıda quldurluq edən şəxslər tutulub.
Daxili İşlər Nazirliyinin mətbuat xidmətindən APA-ya verilən məlumata görə, Bakı Şəhər Baş Polis İdarəsinin Təhlükəsiz Şəhər Xidməti və Nizami Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində yanvarın 14-də Bakı şəhər sakini Pərvin Əliyevin 5000 manat pulunu quldurluq yolu ilə almaqda şübhəli bilinən Saatlı rayon sakinləri Surxay Cəfərov, Namid Aydınov, Tural Ağahüseynov və əvvəllər məhkum olunmuş Rauf Azadov saxlanılıblar.