Şalva Tadumadze Gürcüstanın hökumət administrasiyasının yeni rəhbəri təyin olunub.
APA-nın yerli bürosunun məlumatına əsasən, bu barədə Gürcüstanın baş naziri Giorgi Kvirikaşvili hökumətin iclasında bildirib.
Ş. Tadumadze 2012-ci ildən hökumətin parlament katibi vəzifəsini tutub.
Qeyd edək ki, hökumət administrasiyasının keçmiş rəhbəri Maya Tskitişvili ötən ayın sonunda Gürcüstanın regional inkişaf və infrastruktur naziri təyin olunub.